Busturialdeko Hitza

Iaz bezala aurten ere Xabier Arriaga ’Txiplas’ errigoitiarrak irabazi du Bizkaiganeko Santa Kurtze jaietako artzain txakur lehiaketa. Iaz ’Txiplas’ek Zeru txakurrarekin irabazi zuen txapelketa. Aurten, aldiz, ’Bizkai’ txakurragaz parte hartu du errigoitiarrak.
Aurtengo txapelketak izaera berezia izan du. Izan ere berau asteburu bitan jokatu da Arrietako Jainko auzoan eta Errigoitiko Bizkaiganen. Honelakoetan saio biak kontuan hartuta puntu gehien batzen dituen txakurrak irabazten du txapela. Angel Askorbebeitiaren ’Mendi’ txakurrak lortu du txapelketako bigarren postua. Hirugarren, aldiz, Laukizko Iñaki Ostolazagaren ’Nere’ txakurra sailkatu da.